خانه ادبیات باغچاسی ایچیمده کی ایت

ایچیمده کی ایت

0
ایچیمده کی ایت
ایچیمده کی ایت

داریخیر ایچیمده آلاجا بیر ایت
هورورم…هوروروک قارانلیقلارا
یئنه دیله توتور قودوز داریخما
یئنه قان تؤکه‌جک اورتالیقلارا

دئدیم ایت جانیمی گؤتوروم قاچیم
یال ائدیب یالادی دویغولاریمی
دئدیم بیر بوگئجه زنجیرین آچیم
زنجیره دولادی دویغولاریمی

داریخمام عادی بیر داریخما دئییل
نه ایت آپاراندی نه قورد یئین دی
گوندوز لر گؤزوندن قاچیپ ایتسمده
گئجه لر یقین کی سؤز او دئین دی

اوزاق کئچمیشیمی آنیمساییرام
چیمیرم بو گئجه ایت آراغین‌دا
داریخما قوسورام سطیر به سطیر
اؤلورم شعریمین سون واراغین‌دا

فیروز رحمانی

دیدگاهتان را بنویسید

Please enter your comment!
Please enter your name here