بیر یئر یوخدور گیزله نه سن اؤلوم دن
یوخو اولوب گؤزلرینه دولاجاق
کؤرپه کیمی آغلاساندا اؤنونده
اوجالدیغین یاش دان یئره سالاجاق
یاشام سنین لاپ سئودییین اویوندو
فصیل فصیل پالتارینی سویوندو
ارکؤیوندو اؤلوم بیلمز، تویوندو
تورپاق عؤمرو اوجوز سندن آلاجاق
گئدیب گلن یوخدور دییه نئجه دیر
اؤلومون ده چتینی اؤلونجه دیر
اولان گوندن اوشندییین گئجه دیر
قورخولارین هم صؤحبتین اولاجاق
بوللو سوللو واختین واردیر الینده
دونیا یوکو داها یوخدور بئلینده
اؤیرن اوردا اؤلولرین دیلینده
دونیا هله اورتالیقدا قالاجاق
یازار: فیروز رحمانی
